Asfru: Munataɣ!
Tawiza, tnqq ayrad. (Anzi sg Warif)
... ... ...
Munataγ, a imzdaɣ, munataɣ!
Amm tamunt n iḍuḍan, munataɣ!
Tiwizi, tḥla; tuf aɣ, munataɣ!
Han taḍa , tzwar iɣil, munataɣ!
Amsasa, ur djin xxin, munataɣ!
Iṛẓan ayd tga taẓit , munataɣ!
Abqqa , ur da t ikkat yan ufus.
… … …
Tawuri, tɣr i ku yan, munataɣ!
Afad a(d) iḥlu wawal, munataɣ!
Aẓaẓa, ur sar iẓẓay, munataɣ!
Kudnna nmmyaɣ afus, munataɣ!
Han agg°a nnɣ, ɣa ifsis, munataɣ!
Kudnna nsman awal, munataɣ!
Abqqa, ur da t ikkat yan ufus.
… … …
Uccan, ur djin ufin, munataɣ!
Ka n usanf s umazir, munataɣ!
Da ttettin, ṛmin araɣ, munataɣ!
Afrag ayd tn iruran, munataγ!
Tudrt a, trwas uccann, munataɣ!
Tiwizi nnɣ d ifurag , munataɣ!
...
Munataɣ, msasataɣ, munataɣ!
Yan, ad awsn i ugraw, munataɣ!
Agraw, awsn as i yan, munataɣ!
Ku yan igr d akk° afus, munataɣ!
Yumu, yaws taɣuyyit, munataɣ!
Gin i yizm tamaddit , munataɣ!
Abqqa, ur da t ikkat yan ufus.
... ... ...
Amawal:
- Imzdaɣ : imzdaɣn : inamurn.
- Tamunt : tamuni : tamunit.
- tḥla : tcna : tfulki : tɣuda : thyya : tẓil.
- Tuf : tif.
- Taḍa : asmun n wawal d tuggas.
- Djin : jjun : mdjun : jjin : ɛmmaṛs.
- Xxin : xcinn.
- Iṛẓan : gar tayafut.
- Taẓit : tanuɣi : tammaɣt : imnɣi.
- Abqqa : acbqa : abariq.
- Ikkat : iccit.
- Tawuri : askkin d nttili ad t ng.
- Afad : ḥma : ḥuma : tafa : marad.
- Aẓaẓa : agg°a.
- Kudnna : milmi mma : addag : umi : adday.
- ɣa ifsis : aqqa ifsus : rad ilwiɣ.
- Awal : amnad : tannayt.
- Uccan : da ɣurs anamk n isnga "ennemis".
- asanf : abrid : aɣaras igzzuln ittawin vr ka.
- Amazir : tafrgant.
- ṛmin : ẓuẓḍn, ur ufin : wḥln.
- Araɣ : asksl illan g tsfri n vd israg.
- Afrag : amazir : taɣuni : asggawr nssutuy i wulli afad ad asnt nfrg.
- Trwas : tga zun d : taɣ g : tgg amm.
- Tiwizi : tamunt (tawiza).
- Ifurag : asgut n ufrag.
- Abqqa : acbqa : abariq.
- Ikkat : iccit.
- Msasataɣ : mtawayataɣ : grataɣ s taẓit.
- Ad awsn : ad aɣn afus : ad atgn : ad skuttun.
- Agraw : arbiɛ : aggay : tagrumma.
- Yan : ijj : yuk : yuwn : yiwn : yun.
- Akk° : maṛṛa.
- Yumu : iltɣ : yili akd nttta.
- Taɣuyyit : asɣuyy : tandra.
- Tzm : ayrad : agrzam.
- Tamaddit : tarbiɛt.
...

S ughanib n: Hamid Talibi

Tanmmirt!

TIMNADIN
N TAYRI:

S ughanib n: Hamid Talibi

Tadelsa n dades

Timukrisin n tcirratin g Dades

ⵜⵉⵣⴷⴰⵢⵉⵏ

ⴰⵔ ⴷ ⵜⵜⴰⵍⵉⵏ ⵓⵙⵙⴰⵏ ⴰⴽⵙⵓⵍⵏ ⵉ ⴰⵢⵜ ⵡⴰⵔ ⵜⴰⵡⵓⵔⵉ ⵉⴳⴰⵏ ⴰⵢⵜ ⵡⴰⵔ ⵜⵉⵡⵔⵉⵇⵉⵏ, ⵡⴰⵔ ⵜⵓⴷⴻⵔⵜ ⵉⵥⴻⵍⵏ ⴰⴷ ⴰⵙⴻⵏ ⵉⴳⴰ ⵡⴰⴳⵓⴷ, ⴰⵀⴰ ⵜⴰⵡⴷⴰ ⵏ ⵥⴻⵍⵜ ⴷ ⵜⴰⵡⴷⴰ ⵏ ⴰⴷ ⵜⵢⵉⵟⵉⴼⴻⵏ ⵢⴰⵏ ⵡⴰⵙⵙ.
ⵏⴻⴽⴽ ⵣⵓⵏⴷ ⵏⵉⵜⵏⵉ, ⵏⴳⴳⵓⴷⵉ ⴳ ⵜⵎⴰⵣⵉⵔⵜ ⴷⴷⵖ ⵎ ⵓⵔ ⵉⵍⵍⵉ ⵉⵖⴼ, ⵎ ⵓⵔ ⵜⵍⵍⵉ ⵜⵏⴱⴰⵟ ⴰⵔ ⴷⵖⵉ, ⵜⴰⵎⴰⵣⵉⵔⵜ ⴷⵖ ⵏ ⴱⵍⵊⵉⴽⴰ ⴳ ⵓⵔⵜⴰ ⵎⵙⴰⵙⴰⵏ ⵉⴼⵍⴰⵎⴰⵏⵉⵜⴻⵏ ⴷ ⴰⵢⵜ ⵡⴰⵍⵍⵓⵏ ⴰⴷⵊⵏⴰⵖ ⴰⵔ ⵏⵜⵜⵇⴻⵍ ⵙ ⵜⵡⵔⵉⵇⵉⵏ ⴰⵙⵙⴳⵯⴰⵙ ⴷ ⵓⵣⴳⴻⵏ ⴰⵢⴰⴷ, ⴰⵏⵙⴽⴻⵔ ⴰⵇⵇⵓⵔ ⵏⴻⵖ ⴰⵏⴼⴻⵙⵜ, ⵏⵉⵜⵏⵉ ⵓⵔ ⵙⵙⵉⵏⵏ ⵉⵙ ⴷ ⴰⵏⵜⵅⵉⵜⵉⵔ ⴳ ⵓⵙⵎⵎⵓⴷ ⵓⵔⵜⴰ ⵏⴰⴽⵙⵓⵍ ⴰⴽⵯ ⴷ ⵎⴻⴷⴷⴻⵏ, ⵉⵙ ⵔⴰⵏ ⴰⵏⵜⵜⴰⴽⵯⵔ ⵏⴻⵖ ⴰⵏⵣⴻⵏⵣⴰ ⵜⴰⵎⵍⵍⴰⵍⵜ? ⵏⴻⵖ ⴰⵏⴴⵯⴻⵔ ⵉⵖⴼⴰⵡⴻⵏ ⵏⵏⴻⵖ ⵙ ⴰⵙⵉⴼ ⵏ "ⵍⴰⵎⵓⵣ"?
ⴰⵜⵜⴰⵡⵉⵜ ⵢⴰⵜ ⵜⵎⵖⴰⵔⵜ ⴰⴷ ⴰⴽ ⵜⵓⵜ ⴰⵙⴰⵏⴼ ⵏ ⵜⵡⵔⵉⵇⵉⵏ ⵜⴰⵎⵙⵍⴰⵢⵜ ⵉⵛⵇⴰⵏ ⴰⵢⵏⵏⴰ, ⵎⴻⵛⴽ ⵏ ⵢⴰⵜ ⴷ ⵢⴰⵜ ⴰⴷ ⵥⵔⴻⵖ, ⴰⴷ ⵎⵏⴰⴳⴰⵔⵖ, ⴷⴰⵙ ⵉⵜⵄⵊⴰⴱ ⵍⵃⴰⵍ, ⵜⵖⴻⵔ ⵙ ⵢⴰⵏ ⵉⵎⴽⵍⵉ, ⵜⵙⵉⵡⵍⵎ, ⵜⵉⵏⵢⴰⴽ ⵜⵉⵏⵉⵜⴰⵙ, ⵜⴰⴺⵙⴰ ⴷ ⵉⵡⴰⵍⵉⵡⴻⵏ ⵉⵇⵇⵓⵔⵏ, ⵎⴰⵛⴰ ⴰⵔ ⵜⵜⵉⵙⵉⵏ ⵉⵙ ⵓⵔ ⵜⵍⵍⵉ ⵜⵡⵔⵉⵇⵜ ⵜⵔⵡⴻⵍ ⵣⵓⵏⴷ ⴷⵉⴽ ⵉⵍⵍⴰ ⴱⵓⵔⵛ, ⴷⵉⵖ ⴰⵔ ⵜⵜⵉⵏⵉⵜ ⵓⵔ ⵜⵍⵍⵉ ⴳ ⵜⵉⵔⵔⴰ "ⵎⴽⵜⴰⴱ" ⴰⵢⴳⴰ ⵍⵃⴰⵍ, ⵜⵙⴽⴻⵔⵜ ⴷⵉⵖ ⴰⵏⴰⵔⵓⵣ ⵉ ⵉⵖⴼⴻⵏⵏⴻⴽ, ⵉⴳ ⵜⴽⵛⴻⵎⵜ ⵙ ⵉⵏⵜⴻⵔⵏⴻⵜ ⴰⵔ ⵜⵙⴳⴳⵉⵍⵜ,ⵜⴷⴷⴰ ⴼⴰⵜⵎⴰ, ⵙⵓⵄⴰⴷ, ⵏⴰⵄⴻⵎⴰ, ⵎⴰⵔⵢⴰⵎ ⴷ ⵜⵉⵢⵢⴰⴺ..
ⴷⵖⴻ ⵙⵙⵉⵏⵖ ⴰⴼⴳⴰⵏ ⴷⴰⴷⵖ ⵉⴷ ⵜⴰⵡⵔⵉⵇⵜ ⴰⵢⴳⴰ ⴷ ⵉⵇⴰⵔⵉⵜⴻⵏ, ⵉⴳ ⵓⵔ ⵍⵍⵉⵏ ⵉⵙ ⴽ ⵓⵙⵉⵏ ⵡⴰⵎⴰⵏ, ⴰⵡⴷ ⵉⵎⴷⴷⵓⴽⴰⵍ ⵓⵔ ⵖⵓⵔⴽ ⵜⵜⵉⵍⵉⵏ, ⴰⵡⴷ ⵡⵉⴷⴷⴰ ⵖⵓⵔⴽ ⵢⴰⴷ ⵉⵍⵍⴰⵏ ⵔⴳⵯⵍⵏ ⴷⵉⴽ, ⴽⵯⵓ ⵢⴰⵏ ⴰⵔ ⵜⵜⵉⵏⵉ ⵉⵖⴼ ⵉⵏⵓ ⵉⵖⴼ ⵉⵏⵓ...
ⵜⴰⵡⵊⵊⴰ ⴰⴷ ⵉⴳⴻⵔⵏ ⴰⴼⵓⵙ ⴰⵔ ⵜⵄⴰⵡⴰⵏ ⴰⵢⴷⴷⴰ ⵎ ⵉⵜⵖⴻⵢ, ⵙⵉⴳⴳⴻⵍⵏ ⵜⵉⵔⴱⴰⵜⵉⵏ, ⵎⴰⵏⵖ ⴳⵉⵙⵏ ⵎⵛⵜⴰ ⵏ ⵜⵉⴽⴽⴻⵍⵜ ⴰⴷ ⵏⵜⵜⴻⵔ ⴽⴰⵏ ⵢⴰⵜ, ⴰⵡⴷ ⵢⴰⵜ ⵓⵔ ⵜⵟⵟⴻⴼ, ⴽⵔⴰ ⵉⵎⵥⴻⵢ, ⴽⵔⴰ ⵉⵅⴰⵜⴻⵔ, ⴽⵔⴰ ⵓⵔ ⵉⵔⵉ, ⵉⵍⵉⵏⵜ ⵜⵉⴷⴷⴰ ⴰⵖ ⵉⴳⴰⵏ ⴰⵙⵙⴰⵖ ⵏ "ⵉⴷ ⵍⴱⵍⵉⴷⴰⵔ", ⵉⴳⴰⵜ ⵡⵉⴷⴷⴰ ⴷ ⵢⵓⵛⴽⴰⵏ ⴳ ⵜⵎⴰⵣⵉⵔⵜ ⵓⵔ ⵙⵙⵉⵏ ⴰⵎⵢⴰ, ⵓⵔ ⵉⴳⵉ ⴰⵎⵢⴰ, ⴰⵢⵏⵏⴰⵖ ⴰⴷ ⵖⴰⵍⵏⵜ, ⴰⴼⴳⴰⵏ ⴰⵔ ⵉⵟⵎⵣⴻⵢ ⵉⴳ ⵉⵙⵍⵍⴰ ⵉ ⵉⵡⴰⵍⵉⵡⴻⵏ ⵡⴰⵎ ⵡⵉⴷⵖ...
Iⴷⵙⴻⵏⵜ ⵜⵉⴽⴽⴰⵍ ⴰⵔ ⴳⴳⴰⵔⵖ ⵎⴰⵔⵔⴰ ⵙ ⵜⵎⵓⴽⵔⵉⵙⵉⵏ ⴰⴷ ⵙ ⵜⵖⵯⵔⴷⵉⵏ ⵙⵙⵓⴷⵓⵖ ⵙ ⴷⴰⵜ, ⴰⵔ ⵜⴻⵟⵟⴻⴼⵖ ⵙ ⴰⴳⴰⵜⵓ ⵏ ⴰⴽⵓⵛ: ⵜⴰⵣⴰⵍⵍⵉⵜ ⴳ ⴰⴳⵓⴷ ⵏⵏⴻⵙ ⴳ ⵜⵎⵣⴳⵉⴷⴰ, ⴷⵉⴽⵔ ⴷ ⵜⵖⵔⵉ ⵏ ⵍⵇⵓⵔⴰⵏ, ⵍⵍⴰⵏⵜ ⵜⵉⴽⴽⴰⵍ ⴳ ⵉⵜⵛⵛⴻⴺ ⵓⴺⴰⵔ ⵜⴻⴺⴺⴻⵔⵜ ⴳ ⴷⵏⵓⴱ, ⴰⵢⵏⵏⴰⵖ ⴰⵢⵜⵊⵔⵓⵏ ⵉⴳ ⵎⵏⴰⴳⴰⵔⵖ ⴷ ⵢⴰⵜ ⵜⵔⴱⴰⵜ ⵜⴰⴱⵍⵊⵉⴽⵉⵜ ⵍⵍⵉ ⵉⵢⵇⵔⴰⵏ ⵉⴷⵙⴻⵏⵜ ⵜⵉⴽⴽⴰⵍ ⵙ ⵜⴳⵎⵎⵉ ⵏⵏⴻⵙ, ⴰⵔ ⵜⵜⵉⵏⵉⵖ ⴰⴷ ⴳⵉⵙ ⴱⴺⵓⵖ ⴰⵛⴽⵓ ⵓⵔ ⵜⴳⵉ ⵜⵉⵏ ⵓⵎⵢⴰ, ⵓⵔ ⵜⵔⵉ ⵖⴰⵙ ⵜⴰⵇⵔⴼⴻⵢⵜ ⵓⵔ ⵜⵔⵉ ⵉⵜⵉⵀⴰⵍ ⴷ ⵜⴰⵔⵡⴰ..
ⴰⵔ ⵣⵔⵔⵉⵏ ⵓⵙⵙⴰⵏ ⴰⴽⵙⵓⵍⵏ, ⵓⵙⵙⴰⵏ ⵏ ⵜⴳⴻⵔⵙⵜ ⵉⵍⵍⴰⵙⴻⵏ ⴳⵣⵣⵉⵍⵏ ⴷ ⵡⵉⵏ ⵓⵏⴱⴷⵓ ⵉⵖⵣⵣⴻⴼⵏ ⵢⵉⵍⵉ ⴳⵉⵙⴻⵏ ⵓⵇⵏⴰⴺ, ⴰⵔ ⵉⵜⴳⴳⴰ ⵡⴰⵣⵣⴰⵔ ⴰⵎⵍⵍⴰⵍ ⴽⵔⴰ ⵓⵔ ⴷⴰ ⵉⵜⴱⴷⴷⴰⵍ..ⵜⴱⴷⴷⴰ..ⵜⴱⴷⴷⴰ..