Tadelsa n dades

Timukrisin n tcirratin g Dades

ⵜⵉⵣⴷⴰⵢⵉⵏ

ⴰⵔ ⴷ ⵜⵜⴰⵍⵉⵏ ⵓⵙⵙⴰⵏ ⴰⴽⵙⵓⵍⵏ ⵉ ⴰⵢⵜ ⵡⴰⵔ ⵜⴰⵡⵓⵔⵉ ⵉⴳⴰⵏ ⴰⵢⵜ ⵡⴰⵔ ⵜⵉⵡⵔⵉⵇⵉⵏ, ⵡⴰⵔ ⵜⵓⴷⴻⵔⵜ ⵉⵥⴻⵍⵏ ⴰⴷ ⴰⵙⴻⵏ ⵉⴳⴰ ⵡⴰⴳⵓⴷ, ⴰⵀⴰ ⵜⴰⵡⴷⴰ ⵏ ⵥⴻⵍⵜ ⴷ ⵜⴰⵡⴷⴰ ⵏ ⴰⴷ ⵜⵢⵉⵟⵉⴼⴻⵏ ⵢⴰⵏ ⵡⴰⵙⵙ.
ⵏⴻⴽⴽ ⵣⵓⵏⴷ ⵏⵉⵜⵏⵉ, ⵏⴳⴳⵓⴷⵉ ⴳ ⵜⵎⴰⵣⵉⵔⵜ ⴷⴷⵖ ⵎ ⵓⵔ ⵉⵍⵍⵉ ⵉⵖⴼ, ⵎ ⵓⵔ ⵜⵍⵍⵉ ⵜⵏⴱⴰⵟ ⴰⵔ ⴷⵖⵉ, ⵜⴰⵎⴰⵣⵉⵔⵜ ⴷⵖ ⵏ ⴱⵍⵊⵉⴽⴰ ⴳ ⵓⵔⵜⴰ ⵎⵙⴰⵙⴰⵏ ⵉⴼⵍⴰⵎⴰⵏⵉⵜⴻⵏ ⴷ ⴰⵢⵜ ⵡⴰⵍⵍⵓⵏ ⴰⴷⵊⵏⴰⵖ ⴰⵔ ⵏⵜⵜⵇⴻⵍ ⵙ ⵜⵡⵔⵉⵇⵉⵏ ⴰⵙⵙⴳⵯⴰⵙ ⴷ ⵓⵣⴳⴻⵏ ⴰⵢⴰⴷ, ⴰⵏⵙⴽⴻⵔ ⴰⵇⵇⵓⵔ ⵏⴻⵖ ⴰⵏⴼⴻⵙⵜ, ⵏⵉⵜⵏⵉ ⵓⵔ ⵙⵙⵉⵏⵏ ⵉⵙ ⴷ ⴰⵏⵜⵅⵉⵜⵉⵔ ⴳ ⵓⵙⵎⵎⵓⴷ ⵓⵔⵜⴰ ⵏⴰⴽⵙⵓⵍ ⴰⴽⵯ ⴷ ⵎⴻⴷⴷⴻⵏ, ⵉⵙ ⵔⴰⵏ ⴰⵏⵜⵜⴰⴽⵯⵔ ⵏⴻⵖ ⴰⵏⵣⴻⵏⵣⴰ ⵜⴰⵎⵍⵍⴰⵍⵜ? ⵏⴻⵖ ⴰⵏⴴⵯⴻⵔ ⵉⵖⴼⴰⵡⴻⵏ ⵏⵏⴻⵖ ⵙ ⴰⵙⵉⴼ ⵏ "ⵍⴰⵎⵓⵣ"?
ⴰⵜⵜⴰⵡⵉⵜ ⵢⴰⵜ ⵜⵎⵖⴰⵔⵜ ⴰⴷ ⴰⴽ ⵜⵓⵜ ⴰⵙⴰⵏⴼ ⵏ ⵜⵡⵔⵉⵇⵉⵏ ⵜⴰⵎⵙⵍⴰⵢⵜ ⵉⵛⵇⴰⵏ ⴰⵢⵏⵏⴰ, ⵎⴻⵛⴽ ⵏ ⵢⴰⵜ ⴷ ⵢⴰⵜ ⴰⴷ ⵥⵔⴻⵖ, ⴰⴷ ⵎⵏⴰⴳⴰⵔⵖ, ⴷⴰⵙ ⵉⵜⵄⵊⴰⴱ ⵍⵃⴰⵍ, ⵜⵖⴻⵔ ⵙ ⵢⴰⵏ ⵉⵎⴽⵍⵉ, ⵜⵙⵉⵡⵍⵎ, ⵜⵉⵏⵢⴰⴽ ⵜⵉⵏⵉⵜⴰⵙ, ⵜⴰⴺⵙⴰ ⴷ ⵉⵡⴰⵍⵉⵡⴻⵏ ⵉⵇⵇⵓⵔⵏ, ⵎⴰⵛⴰ ⴰⵔ ⵜⵜⵉⵙⵉⵏ ⵉⵙ ⵓⵔ ⵜⵍⵍⵉ ⵜⵡⵔⵉⵇⵜ ⵜⵔⵡⴻⵍ ⵣⵓⵏⴷ ⴷⵉⴽ ⵉⵍⵍⴰ ⴱⵓⵔⵛ, ⴷⵉⵖ ⴰⵔ ⵜⵜⵉⵏⵉⵜ ⵓⵔ ⵜⵍⵍⵉ ⴳ ⵜⵉⵔⵔⴰ "ⵎⴽⵜⴰⴱ" ⴰⵢⴳⴰ ⵍⵃⴰⵍ, ⵜⵙⴽⴻⵔⵜ ⴷⵉⵖ ⴰⵏⴰⵔⵓⵣ ⵉ ⵉⵖⴼⴻⵏⵏⴻⴽ, ⵉⴳ ⵜⴽⵛⴻⵎⵜ ⵙ ⵉⵏⵜⴻⵔⵏⴻⵜ ⴰⵔ ⵜⵙⴳⴳⵉⵍⵜ,ⵜⴷⴷⴰ ⴼⴰⵜⵎⴰ, ⵙⵓⵄⴰⴷ, ⵏⴰⵄⴻⵎⴰ, ⵎⴰⵔⵢⴰⵎ ⴷ ⵜⵉⵢⵢⴰⴺ..
ⴷⵖⴻ ⵙⵙⵉⵏⵖ ⴰⴼⴳⴰⵏ ⴷⴰⴷⵖ ⵉⴷ ⵜⴰⵡⵔⵉⵇⵜ ⴰⵢⴳⴰ ⴷ ⵉⵇⴰⵔⵉⵜⴻⵏ, ⵉⴳ ⵓⵔ ⵍⵍⵉⵏ ⵉⵙ ⴽ ⵓⵙⵉⵏ ⵡⴰⵎⴰⵏ, ⴰⵡⴷ ⵉⵎⴷⴷⵓⴽⴰⵍ ⵓⵔ ⵖⵓⵔⴽ ⵜⵜⵉⵍⵉⵏ, ⴰⵡⴷ ⵡⵉⴷⴷⴰ ⵖⵓⵔⴽ ⵢⴰⴷ ⵉⵍⵍⴰⵏ ⵔⴳⵯⵍⵏ ⴷⵉⴽ, ⴽⵯⵓ ⵢⴰⵏ ⴰⵔ ⵜⵜⵉⵏⵉ ⵉⵖⴼ ⵉⵏⵓ ⵉⵖⴼ ⵉⵏⵓ...
ⵜⴰⵡⵊⵊⴰ ⴰⴷ ⵉⴳⴻⵔⵏ ⴰⴼⵓⵙ ⴰⵔ ⵜⵄⴰⵡⴰⵏ ⴰⵢⴷⴷⴰ ⵎ ⵉⵜⵖⴻⵢ, ⵙⵉⴳⴳⴻⵍⵏ ⵜⵉⵔⴱⴰⵜⵉⵏ, ⵎⴰⵏⵖ ⴳⵉⵙⵏ ⵎⵛⵜⴰ ⵏ ⵜⵉⴽⴽⴻⵍⵜ ⴰⴷ ⵏⵜⵜⴻⵔ ⴽⴰⵏ ⵢⴰⵜ, ⴰⵡⴷ ⵢⴰⵜ ⵓⵔ ⵜⵟⵟⴻⴼ, ⴽⵔⴰ ⵉⵎⵥⴻⵢ, ⴽⵔⴰ ⵉⵅⴰⵜⴻⵔ, ⴽⵔⴰ ⵓⵔ ⵉⵔⵉ, ⵉⵍⵉⵏⵜ ⵜⵉⴷⴷⴰ ⴰⵖ ⵉⴳⴰⵏ ⴰⵙⵙⴰⵖ ⵏ "ⵉⴷ ⵍⴱⵍⵉⴷⴰⵔ", ⵉⴳⴰⵜ ⵡⵉⴷⴷⴰ ⴷ ⵢⵓⵛⴽⴰⵏ ⴳ ⵜⵎⴰⵣⵉⵔⵜ ⵓⵔ ⵙⵙⵉⵏ ⴰⵎⵢⴰ, ⵓⵔ ⵉⴳⵉ ⴰⵎⵢⴰ, ⴰⵢⵏⵏⴰⵖ ⴰⴷ ⵖⴰⵍⵏⵜ, ⴰⴼⴳⴰⵏ ⴰⵔ ⵉⵟⵎⵣⴻⵢ ⵉⴳ ⵉⵙⵍⵍⴰ ⵉ ⵉⵡⴰⵍⵉⵡⴻⵏ ⵡⴰⵎ ⵡⵉⴷⵖ...
Iⴷⵙⴻⵏⵜ ⵜⵉⴽⴽⴰⵍ ⴰⵔ ⴳⴳⴰⵔⵖ ⵎⴰⵔⵔⴰ ⵙ ⵜⵎⵓⴽⵔⵉⵙⵉⵏ ⴰⴷ ⵙ ⵜⵖⵯⵔⴷⵉⵏ ⵙⵙⵓⴷⵓⵖ ⵙ ⴷⴰⵜ, ⴰⵔ ⵜⴻⵟⵟⴻⴼⵖ ⵙ ⴰⴳⴰⵜⵓ ⵏ ⴰⴽⵓⵛ: ⵜⴰⵣⴰⵍⵍⵉⵜ ⴳ ⴰⴳⵓⴷ ⵏⵏⴻⵙ ⴳ ⵜⵎⵣⴳⵉⴷⴰ, ⴷⵉⴽⵔ ⴷ ⵜⵖⵔⵉ ⵏ ⵍⵇⵓⵔⴰⵏ, ⵍⵍⴰⵏⵜ ⵜⵉⴽⴽⴰⵍ ⴳ ⵉⵜⵛⵛⴻⴺ ⵓⴺⴰⵔ ⵜⴻⴺⴺⴻⵔⵜ ⴳ ⴷⵏⵓⴱ, ⴰⵢⵏⵏⴰⵖ ⴰⵢⵜⵊⵔⵓⵏ ⵉⴳ ⵎⵏⴰⴳⴰⵔⵖ ⴷ ⵢⴰⵜ ⵜⵔⴱⴰⵜ ⵜⴰⴱⵍⵊⵉⴽⵉⵜ ⵍⵍⵉ ⵉⵢⵇⵔⴰⵏ ⵉⴷⵙⴻⵏⵜ ⵜⵉⴽⴽⴰⵍ ⵙ ⵜⴳⵎⵎⵉ ⵏⵏⴻⵙ, ⴰⵔ ⵜⵜⵉⵏⵉⵖ ⴰⴷ ⴳⵉⵙ ⴱⴺⵓⵖ ⴰⵛⴽⵓ ⵓⵔ ⵜⴳⵉ ⵜⵉⵏ ⵓⵎⵢⴰ, ⵓⵔ ⵜⵔⵉ ⵖⴰⵙ ⵜⴰⵇⵔⴼⴻⵢⵜ ⵓⵔ ⵜⵔⵉ ⵉⵜⵉⵀⴰⵍ ⴷ ⵜⴰⵔⵡⴰ..
ⴰⵔ ⵣⵔⵔⵉⵏ ⵓⵙⵙⴰⵏ ⴰⴽⵙⵓⵍⵏ, ⵓⵙⵙⴰⵏ ⵏ ⵜⴳⴻⵔⵙⵜ ⵉⵍⵍⴰⵙⴻⵏ ⴳⵣⵣⵉⵍⵏ ⴷ ⵡⵉⵏ ⵓⵏⴱⴷⵓ ⵉⵖⵣⵣⴻⴼⵏ ⵢⵉⵍⵉ ⴳⵉⵙⴻⵏ ⵓⵇⵏⴰⴺ, ⴰⵔ ⵉⵜⴳⴳⴰ ⵡⴰⵣⵣⴰⵔ ⴰⵎⵍⵍⴰⵍ ⴽⵔⴰ ⵓⵔ ⴷⴰ ⵉⵜⴱⴷⴷⴰⵍ..ⵜⴱⴷⴷⴰ..ⵜⴱⴷⴷⴰ..

ⵣⴰⵢⴷ ⵓ ⵃⵎⴰⴷ

ⵜⴰⵔⴰⴱⴱⵓⵜ ⵉⵎⴰⵍ

ⵜⴰⵏⵇⵔⴰ ⵏ ⵜⴰⴼⵓⴽⵜ ⵙⴻⴳ ⵓⵖⵍⵍⵓⵢ

"ⴳ ⵜⵉⴳⵉⵔⴰ ⵏ ⴷⴷⵓⵏⵉⵜ ⵇⴰⵏ ⵜⴰⴼⵓⵢⵜ ⴰⴷ ⵜⵏⵇⴻⵔ ⴳ ⵓⵖⵍⵍⵓⵢ ⵏⵏⴻⵙ", ⴰⵡⴰⵍⴰⴷ ⵉⵏⵏⴰⵜ ⵓⵎⴰⵣⴰⵏ ⵏ ⵢⴰⴽⵓⵛ ⵜⴰⵣⴰⵍⵍⵉⵜ ⵏ ⵕⴱⴱⵉ ⵖⵉⴼⵙ, ⵜⴰⵏⵇⵔⴰ ⵢⴰⴷ ⵜⴳⴰ ⵢⴰⵜ ⴳ ⵜⵎⵉⵜⴰⵔ ⵜⵉⵅⴰⵜⴰⵔⵉⵏ ⵏ ⵜⵉⴳⵉⵔⴰ ⵏ ⴷⴷⵓⵏⵉⵜ; ⴰⵢⵜ ⵜⵡⵙⵏⴰ ⵏ ⵓⵣⴻⵎⵣ ⴰⴷ ⵏⵏⴰⵏ ⵉⵙⵓⵍ ⵓⴷⴼⴻⵍ ⵏ ⵉⴷ ⵍpoⵍⵍ ⴰⵢⴼⵙⵉ, ⴰⵢⵏⵏⴰⵖ ⴰⴷ ⵉⵜⵜⴰⵡⵉⵏ ⵜⴰⴽⵓⵔⵜ ⵏ ⵡⴰⴽⴰⵍ ⴰⴷ ⵜⴱⵔⵔⴻⵎ ⴰⴷ ⵜⵎⵍⵓⵍⵓⵢ ⵅⴰⴼ ⵜⵙⴳⴰ ⴰⴷⵏⵉⵏ ⵓⴽⴰⵏ ⴰⵔ ⵜⵏⵇⵇⴻⵔ ⵜⴰⴼⵓⴽⵜ ⴳ ⵓⵖⵍⵍⵓⵢ ⵏⵏⴻⵙ.
ⴳ ⵜⵎⵣⴳⵉⴷⴰ ⵙⴼⵍⴷⵖⴰⵙ ⵉ ⵟⴰⵍⴱ ⴰⵔ ⵉⵙⴰⵡⴰⵍ ⵅⴰⴼ ⵍⵃⴰⴷⵉⵜ ⴰⴷ ⵏⵉⵜ, ⵢⴰⵙⵉⴷ ⵢⴰⵏ ⵡⴰⵡⴰⵍ ⵏ ⵢⴰⵏ ⴳ ⴰⵢⵜ ⵜⵡⵙⵏⴰ ⵏ ⵉⵙⵍⴰⵎ ⵉⵇⴱⵓⵔⵏ ⵉⵏⵏⴰ ⵉⴷ ⵜⴰⴼⵓⵢⵜ ⴳ ⵍⵃⴰⴷⵉⵜ ⵀⴰⵜ ⵓⵔ ⵜⴰⴼⵓⵢⵜ ⴰⴷ ⵏⵜⴰⵏⵏⴰⵢ ⴳ ⵉⴳⵏⵏⴰ ⴰⵙ ⵉⴷⴷⴰ ⵡⴰⵡⴰⵍ ⵎⴰⵛⴰ ⵍⵉⵙⵍⴰⵎ ⴰⵢⵙⵎⵄⵏⴰ ⴷⴰⴷⵖ, ⵍⵉⵙⵍⴰⵎ ⴰⵢⴳⴰⵏ ⵜⴰⴼⵓⵢⵜ ⵉⵙⵓⵍ ⴰⴷ ⵉⴷⴷⵓ ⵙⴻⴳ ⵜⵎⵓⵔⴰ ⵏ ⵓⵖⵍⵍⵓⵢ ⵣⵓⵏⴷ ⵎⴰⵔⵉⴽⴰⵏ ⴷ ⵓⵔⵓⴱⴱⴰ.
ⵎⴰⵔⵔⴰ ⵉⵡⴰⵍⵉⵡⴻⵏ ⴰⴷ ⵣⴷⴰⵔⵏ ⴰⴷ ⴳⴻⵏ ⵜⵉⴷⴷⵉⵜ, ⵏⴻⵖ ⵜⵉⴷⴷⴻⵜ ⵏⵉⵜ ⴰⴷ ⴳⴰⵏ, ⵎⴰⵛⴰ ⵉⵍⵍⴰ ⵖⵓⵔⵉ ⵢⴰⵏ ⵓⵎⵏⴰⴷ ⴰⴷⵏⵉⵏ ⵉⴷⴼⴻⵏ ⵙ ⵜⵎⵙⵍⴰⵢⵉⵏ ⵉⵊⵔⴰⵏ ⵜⵉⴳⵉⵔⴰ ⴷⵖ ⴳ ⵜⵎⵓⵔⴰ ⵏ ⵜⵎⵣⵖⴰ ⴷ ⵜⵉⵏ ⵡⴰⵄⵔⴰⴱⴻⵏ, ⵜⵉⴳⵔⴰⵡⵍⵉⵡⵉⵏ ⵏ ⵓⴳⴷⵓⴷ ⵏ ⵜⵎⵓⵔⴰ ⵢⴰⴷ ⴷ ⵉⴱⴷⴰⵏ ⵙⴻⴳ ⵜⵎⴰⵣⵉⵔⵜ ⵏ ⵜⵓⵏⵙ ⵣⴰⵔⵙ ⵜⴰⵎⴰⵣⵉⵔⵜ ⵏ ⵎⵉⵣⵔⴰ, ⵜⵖⵍⵍⵉ ⵙ ⵜⵎⵓⵔⴰ ⵏ ⵍⵢⴰⵎⴰⵏ ⴷ ⵍⴱⵃⵔⴰⵢⵏ ⴷ ⵙⵓⵔⵢⴰ, ⵜⴰⵎⴰⵣⵉⵔⵜ ⵏ ⵜⵓⵏⵙ ⵜⴳⴰ ⵜⴰⵎⴰⵣⵉⵔⵜ ⵏ ⵓⵖⵍⵍⵓⵢ ⵉ ⴰⵢⵜ ⵜⴳⵣⵉⵔⵜ ⵏ ⵡⴰⵄⵔⴰⴱⵏ ⴳ ⵜⵏⵉⴽⴽⴰ ⵉⴷⴷⴻⵔ ⴳⵉⵙ ⵓⵎⴰⵣⴰⵏ ⵏ ⵢⴰⴽⵓⵛ ⵎⵓⵃⴰⵎⵎⴰⴷ ⵜⴰⵣⴰⵍⵍⵉⵜ ⵏ ⵔⴱⴱⵉ ⴼⵍⵍⴰⵙ, ⴷⵉⵏⵏⴰⵖ ⴰⴳ ⵉⵏⵏⴰ ⵃⴰⴷⵉⵜ ⴰⴷ; ⵙⴻⴳ ⵎⴰ ⵉⵙⴽⵯⴻⵎⴺ ⴱⵓⵄⵣⵉⵣⵉ ⵉⵖⴼⴻⵏⵏⴻⵙ ⵜⵉⵣⵡⵉⵔⵉ ⵏ ⵓⵙⴳⵯⴰⵙ ⴰⴷ ⴰⵛⴽⵓ ⵉⴺⵍⴻⵎⵜ ⵍⴱⵓⵍⵉⵙ ⵏ ⵜⵎⴷⵉⵏⵜ ⵏ ⵙⵉⴷⵉ ⴱⵓⵣⵉⴷ, ⵓⵔ ⵜⵓⴷⵊⵉⵏ ⴰⵢⵣⴻⵏⵣ ⵣⴳⵣⴰⵡ ⵙ ⵍⴽⵔⵔⵓⵚⴰ ⵏⵏⴻⵙ ⴳ ⵢⴰⵜ ⵜⵙⵓⴽⵜ, ⵙⴻⴳ ⴷⵉⵏⵏⴰⵖ ⴰⴷ ⵜⴱⴷⴰ ⵜⴳⵔⴰⵡⵍⴰ ⵍⵍⵉⵖ ⵏⴽⴻⵔⵏ ⵉⵜⵓⵏⵙⵉⵜⵏ ⴰⵔ ⵙⵖⵓⵢⵢⵓⵏ ⵅⴰⴼ ⵉⵣⵔⴼⴰⵏ ⵏⵙⴻⵏ ⴰⵍⵍⵉⴳ ⴷⴰ ⵜⴻⵜⵜⴻⵔⵏ ⴰⵢⴼⴼⴻⵖ ⵓⴷⵉⴽⵜⴰⵜⵓⵔ ⴰⵎⵇⵔⴰⵏ ⴱⴻⵏ ⵄⵍⵉ, ⵓⵔ ⴰⴽⵯ ⵉⵎⴰⴺⵉⵍ ⵉⵔⵡⴰⵍ ⵓⴷⵉⴽⵜⴰⵜⵓⵔ ⵙ ⵜⴱⴺⴺⴰⵏⵜ ⵏⵏⴻⵙ ⵏⵜⵜⴰ ⴷ ⵜⵡⵊⵊⴰ ⵏⵏⴻⵙ, ⵉⴽⵛⴻⵎ ⵓⴳⴷⵓⴷ ⵏ ⵜⵓⵏⵙ ⵜⵓⴳⴷⵓⵜ ⵏⴻⵖ ⵜⴰⴷⵉⵎⵓⵇⵔⴰⵜⵉⵜ, ⵏⵏⵉⵖ ⵏⴻⴽ ⵀⴰⵜ ⵜⴰⴷ ⴰⵢⴳⴰⵏ ⵜⴰⴼⵓⵢⵜ ⵉⵏⵇⴻⵔⵏ ⴳ ⵓⵖⵍⵍⵓⵢ ⵏⵏⴻⵙ ⴳ ⵜⵎⴰⵣⵉⵔⵜ ⵏ ⵜⵎⵣⵖⴰ, ⵜⵙⵙⵓⴷⵓ ⴰⴷ ⵜⵙⵙⵉⴷⴷ ⵉ ⵜⵎⵓⵔⴰ ⴰⴷⵏⵉⵏ ⵣⵓⵏⴷ ⵜⵉⵏ ⵎⵉⵣⵔⴰ ⴳ ⵉⵣⴷⵖ ⵃⵓⵙⵏⵉ ⵎⵓⴱⴰⵔⴰⴽ 30 ⵏ ⵓⵙⴳⵯⴰⵙ ⴳ ⵜⵏⴱⴰⵟ, ⴷⵖⴻ ⴰⵔ ⴽⵛⴻⵎⵏ ⴰⵢⵜ ⵎⵉⵣⵔⴰ ⵙ ⵜⴳⴷⵓⵜ ⴰⵡⴷ ⵏⵉⵜⵏⵉ, ⵜⵙⵓⵍ ⵜⴰⴼⵓⵢⵜ ⴷ ⵉⵏⵇⴻⵔⵏ ⴳ ⵓⵖⵍⵍⵓⵢ ⴰⵔ ⵜⵙⵙⵉⴷⵉⴷ ⵉⵎⵉⴽ ⵙ ⵉⵎⵉⴽ ⵜⵉⵎⵉⵣⴰⵔ ⵏ ⵜⵎⵣⵖⴰ ⴷ ⵜⵉⵏ ⵡⴰⵄⵔⴰⴱⵏ...
ⵜⴰⴼⵓⵢⵜ ⵏ ⵓⵖⵍⵍⵓⵢ ⴷⴳⴻⵔⴷ ⵉⵣⵏⵣⴰⵔⵏ ⵏⵏⴻⵙ ⴰⵡⴷ ⵙ ⵜⵎⵓⵔⵜ ⵏⵏⴻⵖ ⵎⵔⵔⵓⴽ, ⴰⵎⵓⵙⵙⵓ ⵏ 20 ⵙⵉⵏⵢⵓⵔ ⵉⵜⴻⵜⵜⴻⵔ ⵉⵣⵔⴼⴰⵏ ⵏ ⵓⴼⴳⴰⵏ , ⴷ ⴰⴷ ⵉⵣⴷⵓ ⵓⴳⵍⵍⵉⴷ ⵉ ⵓⴳⴳⴰⵔ ⵏ ⵜⵏⴱⴰⴺⵉⵏ, ⴷ ⴰⴷ ⵜⵉⵍⵉ ⵜⵎⵏⴷⴰⵡⵜ ⵜⴰⵎⴰⵢⵏⵓⵜ ⵏⵏⴰ ⴳ ⵜⵍⵍⴰ ⵜⴳⴷⵓⵜ ⵏ ⵜⵉⴷⴷⵉⵜ ⴷ ⵜⴰⵎⴰⵣⵉⵖⵜ ⴰⵜⴳ ⵜⵓⵏⵙⵉⴱⵜ...
ⵎⵇⵇⴰⵔ ⵉⵖⵯⵣⵣⵉⴼ ⵢⵉⴺ ⵎⴰⵅⵛⴰⵢⵜ ⵜⴰⴼⵓⵢⵜ ⴰⴷ ⵜⵏⵇⴻⵔ.

Abrid n Dades

Ssuq n Khmiss n Dades

Tawlaft= image : Hicham Ait Said

ISLMAN

Sg Facebook: Moh Amsbrid

I TKTTAYT N MBARK OULARBI NBA

ASSA NK GHIFI ILLAS
BAYN ID ITRAN S WAS
UR OKKUL UDABU YULSAS Yarat: Dicar Ifizar
I7AN9 IMAN N UMGHNAS
N...BA***NBA***NBA***NBA
**************************
ASSA NK GHIFI INGAL
RZANAS AFRIWN IWYALAL
KRFNT G UCDDUR AMLLAL
UR HNNAN AG TKAN I WAKAL
NBA***NBA***NBA***NBA***
****************************
A7 AY ANAZUR NEGH AM9RAN
USAR KNIGH 7RRAN GHIFI WUSSAN
AD CNUGH I TIDIT INIGH MAYLAN
USAR IMMUT YAN ITNAGHN GHIF IZRFAN
NBA ***NBA***NBA***NBA***
******************************
LMDEGH DIK A TINMLT TAXATART
LMDEGH DIK AWSAR UGHULGH S TART
ASSA AMZRUY TGIT DIS TAMATART
ABRID NNA TRCHMT ADGHIFI ILLAN SDAT
NBA***NBA***NBA***NBA***
*****************************
IZM N SAGHRU IDDA
USAR TZRIT A TIT ABDA
MACA ITRI NS G UL ISUDDA
IRIR GHIF INIGHI ISADA
NBA ***NBA***NBA***NBA***
****************************
USAR NFEGH GHIF UBRID NK ADADDDA
MA99AR AS RZMN G UBRID I TAWDA

UR NKNNU UR NT DMMAM I WADDA

TINGHAN WALA NRZA LILAK A MARDA

NBA***NBA***NBA***NBA***
******************************

Isfra n Dicar Ifizar /facebook