Innayi Brahim ad as âawdgh tin lligh righ ad hargagh s Europa ,nnigh as hayyi ddigh as aragh afad as ur tâawadgh i awd yan,acku ur tgi tin uâawd:
-Amuddu:
Tigira n wayyur n sinyur (fbrayer) n 2942-1992,ssudmgh as afus d ighf i mma hllou,nnigh as llahnnikm,tesdfrid idsent daâwat tsmuntend d imttawen, ffegh nekk d âmmi, asigh lmozitv geght agensu n lxenct n lhalfa, afad at ur yannay awd yan, ad muddugh s tufra, ahrrag tufra as itmuddu..
Lhaj izdagh g Fransa ar izzray medden nna m ghur ur tlli lvisa ,medden nnagh iran aymtvu s agmmadv n ill amllal, s iqariden m as ifrru lmazutv yagurazd imik. Nekk ur ssingh Lhaj maca âmmi issent, izzri yad yiws.. Iga digengh anmnagar Tinghir anâraq i wallen n mdden nnagh issen. g Tinghir numzv yat talbrrat n watag ar zars ntteqel, advu n Europa ar d itlmili, mqqar ur iâjib ad ddugh s imka s tufra d uhrig; macha ma s trit ad tskert, mchta n tikkilt as n ttergh lvisa ur rin ad itfkin mqqar n akw tlla marra twjjanu g Fransa, rgeln akw tiflwin, an arm abrid dgh mqqar icqa, izri gis yiws n âmmi ula wiyyad , awd nkkin ad t armgh.
Ghur tghlya n tafukt tgulad J5 n lhaj Tinghir, iman d d sin adnin ,yan urgaz awssar izdghen g fransa d yan ufddam zund nekk u ighrem ghurnnegh:Moh.
âmmi ur tissusm lhal lligh g yannay Moh, annaygh udem nnes ibddel, inna ntta id sin ichqa yasen ad zrin s tufra, maca nra an ssudu, ur yad naghul s dartv :"llahnnik a âmmi" yazend afus innayi: "ge aryaz".
Abrid:
Ittvef Lhaj abrid n Atlas, imensi g Zayda,cwwaya d watag, ger waggu n uksum d lmsaq n izviyyan as nkmmel imensi, nssudu abrid s Mrirt ,ira cifurnnegh ad ikk ghur kra n twjja nnes dinnagh, nkcem ghursen ammas n idv,nqqim, imik nffegh nek d Moh afad an gen g tomobil, acku tigmmi tnyama, tifawt g d nenker, nsugger han yan wasif illa zzigh tamangh ur tnannay g tillas idgam, tlla awd tizgzut ifulkin, aman izddigen n wasif ag nssurd iqwma nnegh ukan nkcem anttec lftur..
Abrid s Casa, dinnagh ag illa ugmas n Lhaj ira ad tyizvir ula ntta,iga aslmad, ghurs yat taddart tamqrant ihyyan, yan salon amqran ag nqqima, isrsaghd matcha d watag; nswunfa imik, ukan nffegh anddu s Rbat dinnagh ar gis isiggil Lhaj yan urgaz g idsent tasukin inyaman, allig nufa tigmmi nnes, yasid lmozitv nnes ,ibayen dis awd ntta is ira ad digngh imun; naghuld s Casa digh g ubrid nmnagar d kigan n id tomobil n lmxzen,nnan tmmut mays n ugllid Hassan2, nbedd allig izri ukabar nnagh, talgwwat ngulan Casa,innayagh Lhaj hat illa imensi ghur idsen mdden, ngulan ghursen nafen tixyamin d talba d lmsafrin ar qran lquran, awd ait uxam dgh immutasen kra, inghmisen ur isfrahen ammas n umuddu dgh,ghas ayg Rbbi ster, ntcha imensi,dinnagh ag nzvra tlba itdâun i mdden s iqariden, wanna s ifkan imik idâu as imik ,wanna as ifkan kigan idâu yas kigan.
Nzri Casa d lâzat nnes,nali s agafay n tmurt, s Tittvawin afad ankcem s Sebta, ig ira Akuc an nili asskka g Sblyun.
Ahrig g Sebta:
Tlkem g tassaât 4 n tifawt g imi n Sebta, maca ifuk anzri zwar diwana n imrrukitn, ar ntteqel agensu n tomobil ar nsflid i wzwu, azwu ijhden ar d ighrref tilmad n ill s tama n tomobil, zund da ittini ad d ur tkcemm,qimaten, maca ur nri anfhem, Lhaj ntta ar ithyya "lxuttva": ifkayi passport n yan urba ixdmen g Sblyun afad ad is kcemgh, fkghas winu at iffer,tswir da illan g pass i ifka ur digi yiwi amya, iga ntta azgzaw, tlla ghurs "la carte sejour" n 5 n isggusa,"ig ksqsan tinitasen at xdemgh g lkuzina","ok". Innayas Lhaj i Moh kyyin: "Kyyin qan atffert g lkwrasa n tghrdin", igherd Moh ma ila ,iddelt s snat lkwac, ig banane d ltchine afella nnes afad a ur ichkka lkontrol, argaz lligh d nusi g Rbat tgwrazvt ntta ur iri aymuddu ,innayagh ad awen ihlou, yannay gis kra ad nnigh..
Amsidid n lhal ar nttikmir s ddiwana n lmrruk, yamzv Lhaj id lpass itvbâtend, han yat tfra, nssudu imik isbddagh lkontrol, iger lamba s agensu n tomobil, isugger id lpass,inna:"Ah, knni ait Warzazat Llah iâmrha dar", ittvas s ufus nnes lkwac dda s iddel Moh ,ur gis yuki,iqqen tiflut inna: "aken iâawen Rbbi"; Nnzegh yan 10 metro nkcem diwana n sblyon, isugerd yan ubolisi nsen, yamezv id lpass id ntvbaâ ula ntta, tlla imik n tawda, d imik n tummert awd nttat acku ffegh tamazirt n tmukras d tmara, issaghuld ubolisi id lpass tyatvbaân,han tayyad tfra..
Agharas s aghrrabu ur iâriq maca tomobil dartv tayyatv, bddant acku ihij ill ,yili uzwu ijhden, azal igat lhal, ar ntteqel yat tasaât , snat, iddayaghd itvs, ar akw sxurrun warraw, ixssva awd nekk ad gingh, yuf ula da thasabgh id minut, gingh imik duygh, issiwdi kra g itvs, yat twargit ur ihlin, wargagh yan ubolisi is iyttvef dartv ugertv,isuqqer ghifi, akwighd..
Ighrayas Lhaj i Moh, innayas ayut aghjdim zund nkwni, ifkas yan lpass n yan urgaz ixdemen g Fransa, suggergh tswir n lpass nnagh, ur d akw yiwi g Moh ula iâwl, Moh isdid, ighzzifas uqmu, wadgh n tswir izur yadj claghm, ghas ig iga lkontrol adrghal..
Ar nttikmir imik s imik s aghrrabu, lkontrol ar izzray yat tomobil s yat, ar sâawanen s igdan ixatarn, digengh targagit d unaruz, nfkasen id lpass ilkontrol, ar ten isuggur yan s yan, win Lhaj d amzwaru,ighwra yas s isem nnes irarazd lpass, irarasd winnes i usmun nnes illan tamannes, igulad winu,ighrid s isem n bulpass, asigh afus,isugger tawlaft isuger aqmu inou krat tikkal,ickka, maca irurayid lpass,hayi nekk zrigh, ighwras i win Moh, yasi Moh afus, isuger ubolisi tawlaft,isugger aqmu n Moh ,illa kigan n umzaray, isfferv lkontrol i wiyyad s yat tbinzvit, ddund ssitmnagh s tama n yat komissarya tamzyant, xwan tomobil ar nqqjen,nnani id nik lpass nnek ayga wadgh nnighasen yah,skcmnagh s yat "cellule" tamzvyant n metro xaf metro, tzâfasen i Lhaj d Moh ,nekk ur ssingh mani id tkka yat tummert( lfarh)tamqrant, arraw nitni ar txmmamen, ma sran adagh tskarn isblyuniten ?
Ghrighas i yan ubolisi nnighas righ "toilette", innayi:"ar d tughult s lmarruk tddut s" toilette"", nek righ ghas ad bddelgh adghar , mcteggh imik; Ar ntteqel yat tassaât,kcmend awind idsent twriqin,nnanagh adisent nsini,tyarant s tsblyunit,innayagh Lhaj awer nsini acku ur nfhim ma gisent ityaran,nnigh id isran antyhikim ghursen, lmohim ur nsini...; yat tassaât ssufghen agh s yat tmsreyt ar agh tqllaben yan s yan,Lhaj d amzwaru,nnanas kkes akw ihruyen,awed ger idaren qallbent,ar ttinign lhcic ad nnigh, ur ssingh magh allig as fkan idsent tiyyat g dis,mqqar idhec ili gis swkkar,ghrnasen i Moh ula ntta, skrnas imki ddagh as skern i Lhaj, awd ntta utent; Allig id gulan ,nnani bedd, allig bddigh isukw ifassen nnes seg ufella ar idaren,ur iywet zund wiyyad,magh? ur ssingh.
Ssufghnagh, ssilinagh i yat tomobil transit,s twghrdin, ur as tlli awd yat talkiwt, uzzal amllal, sukknagh idsent tasukkin, nagguz ghur yat komisariat tamqrant, ifasen nnegh tyattvafen s id "lminotv", skcmnagh s yat tmsreyt, igidar nnes s lbantura tawraght g nttanay awd timqqa tixatarin n idamen, tamsreyt ur gis illi ghas yat tbla afella nnes yan ughruc, nnigh ran ad agh ssiwden, negh is da nik tâddaben dadgh, Lhaj innayagh:"ig da ikkaten qan ad ggargh tighuyya ,awer tgwdem kwnni"; Ar ntteqel imik ssilinagh s afella, s yan lbureau axatar, skcmen Lhaj d amzwaru, annayghten ar tsqsan, imik ar ghifs suqqurn maca ur asfledgh ima d tinin, annaygh yan ubolisi ar tikkat afella n ighf nnes s lpass, yan imik iffeghd Lhaj skcemen Moh,kifkif , isqsan d tiyyat n lpass afella n ighf awd ntta, dda g d iffegh, skcmni ula nkkin ar isqsan:"Ma tskerm allig d tkcemm s Sebta?,rarghasen nnighasen nkcem d s tomobil, yan gisen ar isawal s târabt inna:"id ill ad tkkam s Sebta?" nnighas "uhu",ur da ghifi suqquren ula iwten zund imzwura maca tvbâan lpass inu s uzggwagh afad asar ur kcmegh Sblyun.
Ur nssin is ran agh tvfen agh hakmen ghursen negh ran agh awin s lmghrib, nekk righ agh hakmen ghursen, acku ssingh imrrukiten madgan...
Sugznaghd i lkomisaria s izdar nnes "lakab" llan gis yan 10 n id "cellule" timqranin, granagh s yat nkwni s krad ,ur gis tlli yat lkaca ghar ssima d yat tadkkant ma xaf nttqqima, ar nsflid i wadjaren g tiyyad id "cellule", yan urba d yat trbat ar sawalen s trifit, ar sflidgh is ur ttakzgh iwaliwen ttinin maca tchqa, yan imik skcmend ibulisiten yan umghrbi s ghurnnegh, ghas ar inzzagh g tmsreyt ur akw iri ayqqim, nannayt isers yat talhdit zund tajnweyt g tghmert, ur iqqimi bahra ssufghent,ghrghas i yan ubolisi nnighas righ toilet, afad ghas ad bddelgh adghar, imun digi atvar d utvar, qqimgh afella n lgllas, ur iri ayqqen tiflut, ibedd nnigi, ughulghd s cellule ar ntteqel ur nssin mani nra, ma sran adagh zars awin, imik smattinagh s yat cellule adnin, llan gis idsen irumin, fknagh iâssasen imensi, tafant n ughrum d lfrmaj i yan, yaghagh nik lazv,seg tifawt awer ntci...
Aghul s lmarruk:
Ammas n yidv ssufghnagh, nek d Moh g staffit n lbolis , Lhaj manen gis wiyyad g tomobil nnes suggeznagh g ddiwana n lmarruk, kigan n medden bddan ad zzrin ddiwana, ar d zarnnegh akw sksiwen, mergegh ,adergh i ighef,ksnagh isblyunitin id lminot nsen, gnagh imrrukiten winsen, nqqim ammas n ddiwana ku yan s ubolisi nnes, ku yan ityakraf s lminut ittyattvafen s afus n ubolisi, walligh iyttvfen innayi: mec k izzvyyr lminot ad s rzvemgh imik", "uhu,gheygh ad kkesgh afus mqqar t ur trzvimt", acku sdidgh. Ar ntteqel s lmodir n ddiwana ad ikcem; Inna Lhaj ad izvirgh is ur ttamzven iqariden afad agh zdun, llan tamangh sin warraw imzvyan ttyattvafend nintni g Madrid, nitni ran ad fghen, yan gisen inna :" ad ffegh ghas s 10 dh.."
ghrnagh s lbiru n lmodir n ddiwana,nkcem,lmodir iga yan urgaz azurar, azgzaw,zggaghent walnen nnes ,ar gis ikkat wadvu n "lbirra", iswa lankul mqqar d insa Rmdan, isawlas Lhaj is ur ntffegh s iqariden innayas:-ur illi ma awen skergh,acku isblyuniten ran ad tfuren awal ar d tyihikimm.."
Skcmnagh s wayyad lbiru llan gis id "ordinateur"ar sqsan xaf assaghen(ismawen) d tmagit nnegh, d ma g nzdegh d assaghen n widdagh yurun,ftcnagh id jnub, ufan ghuri yat talknnact tamzzant aragh gis s tifinagh innayi ubolisi:" matta tirra dgh?" nnighas :"tirra n tmazight,innayi:" gher imik g maytyaran gis",ghrghasen yat tmnatv ukan ar dssan zund jun ur zvrin ma isawaln s tmazight...
Sqsan awd Moh xaf isem n bbas, maca ur as nifki ism n mays n tidit ,ifkayasen ism n yan adnin igan zund lkniya nnes illan g yan ighrem adnin g Dades,maca ibulisiten ssen is iskars acku ar akw ttanayn aynnagh g ordinateur ,ukan matta tikkilt g asen inna yan userkis utent s yan udvmmis ,kigan n idvmsan allig as nnigh ghar ini tidit hat ar akw ttanayt ma illan g ordinateur..
Ar sqsan bahra xaf ma dagh itvbân id lpass, nnan mcta ad as nfka, ar asn ntrara is as ur nâqqal ula as nfka awd aryyal...
Ur ta issudi lhal awinagh s lkomisarya n tittvawin (tetouan),nkcem xaf yan obolisi ungal ,jahannama ar teddu g uqmu nnes, ntta ayhdvan, ssikint id g itvs, iqeyyid ismawen nnegh, innayagh nzwghat tarvi, ar ntturgu g yan slloum, nut ddoura nugez digh, tawda,iwinagh s ddaw wakal, tama nyat tbla innayagh wungal ansers akw maygan samtva,ifilan n idukan, zizwar, nsers aydda nnan; Righ ad hrtagh tawda nnighas i Lhaj ad id ifk lbrika ad ssigh i yan ugarru,isllayi ubolisi ungal innayi s wawal n waqqur:-magh ammas n trwayt ddegh g tllit as trit ad gis tkmmit ,yallah sxsi.., sxsighas s ifsti, xmmemgh is ur tsul yad tlelli, aynnagh as ira nit ubolisi ad ityini...
Rzvmen yat tflut taxatart, tiflut tsker yan waqqur ijhden, grnagh s yan walâlu, g llant id cellule yat tama n yat, rzmen yat gisent nkcem,nafen yan uârrim negh d sin, g akal ghas idsent lkwac ibbin,icrwtven, yat toilet g tghmert ,aman ar d tffin g yat txucit,ur illi robinet, tamsreyt tga 5metro xef 5,nqqim,mqqar illa usvmmid ar agh ittawi idvs, ngen ar tifawt g agh d issuki waqqur n tflut taxatart n brra,skcmend wiyyad medden, yan dda d nufa ibayen gis is ur igi amrruki,nsqsat inna iga akurdi, sin id imalas aykka g lkomisarya dgh, ar irccem ussan nna izzri g uyadir,ircem awd yan urgaz m iga tagatut g ugertv, inna hat imka dgh aynnan as ijrvu.Rzvmen iâssasen tiflut gwrnaghd yat tafant n ughrum n tfizwit i yan, yan ughrum aqurar ur illi ma d gis itca awdyan,iqqur maca ntcat s ighnan, tannayt amzaray ger komisarya n isblyuniten d tin imrrukiten. Talgwat nfkayas i yan uâssas iqariden agh d isugh matca g brra, yiwyaghd aghrum agensu nnes islman, yasi ssverf n tghradnnes.
Ghranaghen s id lbureau n ufella, aragh sqsan yan s yan, qqumigh xaf lkorsi lil ubolisi, lilas makina n tirra, innayi s yan wawal icqan, ira ad issiwd:"âwdi marra taqsist seg ma d tfghem taddart ghurun ar dghi..", ar s tâawadgh ar azgen n tqsist, ibbi digi awal s usuqqer innayi: "ar tskirkist a wld ssuq,yallah âawd taqsist seg tizwiri maca ini tidit"; âawdghas marra ma snnigh tizwiri acku ur da skirkisgh, maca ibbi tiwriqin dda akw yara ,ittri ad as âawdgh digh..
"iqanen ad tqqimim krat ussan negh uggar acku inald lhal tigira n imalas, yallah inyat tidit n uyad tskerm mec tram ad tffghem zik s lmahkama..."
sugznagh digh s lakab ad gis ngen wayyad yidv, nbdvu aghrum aqurar , ar nsawal nkwni d ukurdi, ar ittini timdyazin ar nsflid mqqar ur antfham amya..
Tifawt g d nenker nrzvem allen, tamsreyt g nlla tedkar s medden, skern iqwma n icmkaren,illa digsen yan iga akw lfasma seg ighef ar idaren ,d idamen, wiyyad gan iqwmansen iâdvban ,nusad ammas n widda inqqan, wiyyad suln genn ar sxurrun..
Wis sin wussan ghrnagh digh s afella s lbureau, ar agh digh sqsan zund assnat ,"ifukk ad tinim tidit ad tqrram", yasi lkomisaire adar nnes iwti afella n ufud inna: "yallah qrra negh ak mlegh tiyyat jun ur tzvrit", ildyi s ufus yawyi s yat tmsreyt tamzvyant, llan gis imasen s skrfasen medden,d ifilan n trisinti, ighwryan,tigjda d iguta dda sttaguln, innayi s yan wawal issiwidn: "Han ma kkin iqannen ig ur trit ad tqrrat s tidit.."nnighas:" tidit ad awen akw nnigh , s tgallit".
Wiyyad sqsan Lhaj d Moh awd nitni ,allig kmmeln sugznagh s lakab,ad digh dis nzzri wayyadv yidv g usmmidv n ssima d lazv, girru idrus,ar ammas n yidv g dda agh ittawi yitvs ar nsflid i ighuyyan n yat tmttvut afella ar tkkaten ad nnigh, negh is ran ad agh ssiwden, akw ur tfsti ar tifawt..
Wiss krad ussan g lkomisarya ,aghrum n tfizwit aqurar, nsukk tvaras aman d itfghen g yat txucit zund aghbalu g toilette ,dda g aghen ssulin s afella ghursen tikiltidgh ar sawalen s swab, ur yad icqi wawalnsen,nnanas i Lhaj hat ur nanni ang tomobil g awal afad awer tkcem ula nttat lmhkama, maca ixssa ad asen ifk aqarid, ur ssingh mcta, nnanagh askka akw nazen s lmahkama..
Lmhkama s abniq:
Nffegh komisarya ,nkwni d sin ibolisiten ilsan civil, neney g tomobil n Lhaj afad asen isers g yan parking, allig tn isers ,munen digengh ibolisiten s udvar ,nakk tisukin ammas n tittawin, tamdint ifulkin ,azuzwu iqrfen ar d ittawi advu n lqahwa d matca s ixmmuyen nnegh, maca tellili tyakkasagh, ur nghey ansker tamarrayt, yutem ubolisi d Lhaj allig a s ihasb lhaj iqariden,nssudu abrid nnegh, nbbi yan usays allig nkcem s lmahkama, ar nttaqqel g yat tmsreyt izdar nkwni d kigan n midden, amestan (abugadu) nnegh yuckad yuzntid ugmas n lhaj lligh illan g Casa, maca urta gis nmnagar,.
Innayagh Lhaj nekk d Moh :" ixssaken ad as tinim i wakil n ugllid hat ur d nekk akwnyusin s tomobilinu, inyatas hat tkcemm Sebta s udvar nnun", Lhaj ira aykks tamukrist xaf ugertvnnes,inna ira ayffegh acku llan ghurs icirran,nannayas:"aydda ntâawad seg tizwiri as qa tnini awd dghi"..
Agud lligh g agh ssulin s ghur wakil n ugllid nâawdas tamukrist imki dda tga,nsni xaf ma nenna afad ad nughul s izdar ar ntteqel anzri lil umzzarfu(lqadvi), ghranaghd ankcem s sala tamqrant ,kigan n medden qquman ar sfliden, nbedd lil umzzarfu, isqsayagh xaf ismawen nnegh d win widda agh yurun d ma g d nlula,d ma xaf ntyattvaf,yan imik ar tmcawaren imzzurfa gratsen, ukan isawel yan gisen inna " ad tughulm ass flani g imalas inn d iddan", neffegh, ssilinagh ibolisiten i yat stafit id lminot g ifassennegh, allig n ngula abniq (lhabs) nugez, nannay kigan n twtmin ar skcament tiqfaf n matca ,nkwni ndda s tama ntflut ,ar isqibbi ubolisi s yan uxars axatar, asigh allen ghargh afella n tflut s tirra n târabt:"lhabs oued law", nkcem s yat talâlut alig nfka ismawen nnegh ,rzvmen yat tflut n uzzal(lhdid),ar yat tmzreyt nfkasen id lmozvit nnegh,tiwriqin,iqaridven, awinagh s yan lbureau allig agh svwwern ,nsni s 5 n idvudan, neffegh nssudu allig rzvmen tvayyat tflut n uzzal, nafen kigan n inkrafen(ihbasiten) g id "lhangar" ighzzafen, awinagh s imi n yan gisen, rzvmen digh tiflut n uzzal, nkcem s hangar , fknagh yat talkaccat i yan, nssut g yan udghar n 50 cm n tafli d metro d uzgen n taghzi, yan unkraf tama wayyad, ar agh sqsan ma nsker,d magh allig ntyattvaf, ar as ntrara,afad anmyissin,yan gisn inna tamslayt nnagh nnun tra ad awen tefk 8 n isggusa n ubniq,inna izvra yad widda m ghur tlla tmukrist zund tingh, ira agh issiwd ukan..
Talggwat n Rmdan ayga lhal, tafuyt tghli, agud n matca,lftvur, inna Lhaj manza yat lmika g illa lbanan d tffah d llimon, awd yan digengh ur t izvri, ukrnaght g imi dda g nra ad nkcem, maca inkraf fkanagh matca lligh as ntfka twjja nsen, askkif d islman d..allig nkmmel lftvur nnani is da tkmmit ,nnighasen yah, kra igred garru n marlboro g yat tsga ,kra igred win casa,garru mi usigh anzgum iggudi..iddad yan unkraf itnbatvn g hangar innayagh ma snra at nskar, is nra as neg tikkal i uslah d yrid n hangar,douch yan wass g imalas, awer nskar aqqur, ig tlla kan tmukrist ntta as nra as tnini, adghar nnes ntta g imi n hangar,iga ankraf aqdim issen akw ma itmctagen g ubniq..
Nnig imi tlla television, rzvment g agud n inghmisen, nsksew gis yat tassaât, ar agud n tguni,angenn xaf yat tsga awer nmcteg, nga gis zund sardine,idvaren ar tmnagaren d idvaren n wayyadv igenen lili, wam 100 n unkraf ayllan g hangar ad ,kra ar ittusu, kra ar isxurru, kra ar isbrtu, ggitv amzwaru ighzzef, axmmem d tkttayt xaf ussan dgh nzzri g umuddu dgh d anzgum xaf mcta as qan agh tvfen g ubniq ad..
Snkrnaghd tifawt zik afad ad skern "l'appelle" ,ikcemd yan uâssas ar ithasab, ig ikmmel iffegh ,nkni nughul idvs..ghur tassaât 10 nenker ,nsird iqwma nnegh ,nut aghjdim, kra ar itcttvab ,kra iffegh s brra aysker kan twiri, yan urgaz issen id ichlhin anga iddud ar agh isqsa, ntta iga asoussi ar isawal tachlhit, ittyattvaf xaf "contre-bande", izwar aghd s imik, issen akw inkrafen dgh max tyattvafen, inna:"Afqir ann tlla dars 70 n usggwas, yan usggwas ayd s ttyakraf maca urta fllas hkimen",-ma isker?,inna:" yufan illis ar tsawal i urgaz dda as irzvmen, yasid yan ujnwey inber argaz ,ifssvelt",inna digh:" krat ifddamen inn nitni ttvfen yat trbat allig tstghen, maca tlhllangisen g ubniq acku llan ghursen iqariden", "aryaz inn ntta mqqar da ittkka xaf tsbihat hat lhcic axef ittyattvaf"...Yuznaghd Rbbi asousey dgh ad agh ittks aqnatv, da d ikccem yan unkraf amaynu iddu zars at isqsa ar as ittini:"ma xaf tyattvaft agma?" yughuld agh yini taqsist n unkraf, kigan gisen ittyattvaf xaf mnghewt d lhcic d garru n "contre-bande"..Ammas n wass nffegh s yat trhbit tamzvyant, afad anrogh tafuyt, nsker imik n tnzgha ad mctgen idamen nnegh ,d kan uzuzwu n brra, acku hangar ur gis illi ghas tilkiwa timzzvanin afflla ghur sqef, nmnagar d awd Lhaj acku ntta stintin g yan hangar advnin,yat tassaât nkcem, nghjdem ar ntqqel s tinwitci anftver..Zund imka as akw zrrin wussan g ubniq dgh, kigan n agud ar tnzray s wawal d inghmisen d ikkan brra ,ig ismar ma n ttini nqqim antxmmam, g ma izrin, ar ntwarga s tlilli ,urid yad s Europa, maca s tmazirt, ammas n tizgzut g igran, tawada afella n umerdul, timghriwin g nttizvir tirbatin lsant ihbirran, ahidus, tagerza,tissi,tamgra, imddukal tama n wasif g ntmfka lkas d garru, d tmddaklt s nnikan ur yad nttizvir...dghi hayyagh ger 4 n igidar ur nssin mecta as nra ad gis nzzri, assggwas? sin? negh uggar?
LLigh g nzzri imalas ikcmaghd yan unghmis ifulkin, tawjja nnegh tuckad anghur nnegh tekk, igulatnin unghmis ar d ttazlan, utend 1000 kilometre,ghwrnaghen iâssasen s yat tmsreyt nekk d Moh ,yat cbka n lhdid gragh d âmmi d bbas n Moh d âmmis, ar ntmsawal mqqar illa bahra n waqqur d wawal ijhden n wiyyad inkraf d tiwjjansen,innayi âmmi: "matânam, ma iga lhal ,yak ur tkrfisem"rarghasen is ur itlli tmukrist,is thnna" ukan yughul tighrdin acku hnqent imttvawen ,yughul awd bbas n Moh tighrdin ar yalla, âmmis ntta ar agh isawal allig ikmmel agud n "zyyara",nannagh "mak nixssan ad awentid nazen",nennayasen" ur ixssa umya"maca talgwwat uzennaghd yat lmikat n matca,illa gis garru "lhamra",mqqar ur da kmmigh lil âmmi yuzentid.."zyyara" truran ghifengh bahra n unzgum, ar ttanaygh tummert g udem n Moh awd ntta..
Asskka nnes nra anddou s lil umzzarfu; s lmahkama, ghwranagh ghur 9 n tifawt, gnagh id lminot ,nali s stafit, ngulan tamsreyt n izdar n lmhkama ar gis nttqqel agh dghrin, maca yan unkraf innagh d lqadi iâtvlagh imik, ifkayas tirggam i lqadi,d waqqur,allig tssufghen s ighnan, ghrnaghd s krat, nkcem ,tdkar lmhkama s medden,gwrgh titv annaygh âmmi d bbas n Moh d âmmis bddan g tghrdin,nbedd lil umzzarfu d imâwen nnes,isqsayagh xaf ismawen nnegh d win widda gh yurun, isawel awd magh f ntayattvaf,iga gis is nzvawwar awd tiwriqin, mqqar ur nzvwwir amya,nraras s imik,maca amestan ittvef awal irar ghifnnegh,allig ikmmel ar itmciwir umzzarfu d imâwen nnes, imik iwt afella n tbla,isewl inna ghifi nekk d Moh:"thkem ghifun lmhkama s ayyur n ubniq d lxtveyt n 40 dh i yan digun",xaf Lhaj ntta ayffegh d 5 n issggusa n sursi,nffegh issusmagh uzazruf (lhokm) ad acku nkwni ar tqqel s wuggar, dghi n zri yad 10 n wussan ,tsul 20,mqqar ussan n ubniq ghzzifen...
Nkcem s lhangar, annayn inkraf tummert g idmawen nnegh,ar agh sqsan mcta as agh uten,nannayasen ayyur,nnan:"ic!ayyur ur igi amya dghik izri!",llan ait 10 d 20 n isggusa,nkwni ifuk awer nqentv, maca ar nswingim i umddaklnnegh asoussi, d Hamid a tetwani d ucasaoui urta s ndghrin ad isenn azazruf nsen, acasaoui ntta ikerfs g lhangar ad acku ur thmiln ait tetvwan, ar tkkaten tartv ugertv, negh ar as tksen serwal ig ibdda, nnighas i yan gisen magh allig astskarm imka? inna :"acku awd ntni ur agh hmeln ig nlla g Casa"..kra ixwcenn illa gratsen..
Askka nnes udjan âmmi ad isker zyyara adnin, dghi ran ad ughuln s tmazirt ixssa an myizvir,nmsawal mqqar gratngh snat cbaki n slekk, allig nkmmel awal nmsafadv..
Ar nthasab ussan zzvayn ur da zrrin,ad tqqimt ger 4 n igidar maxccayt n uqnatv ayili,inkrafen da ittffegh yan kcmend krat, izayd itkar lhangar ,nenyama gis bahra, dghi ar agh itbayan ma ixwcenn g ubniq,taxxuyt ar tctitil g ibdvannen nnegh,g ihruyen n ugensu,ger idvaren nnegh, taxxuyt anct n lbaqq,mqqar da nssirid ar d nrmi ur ak tri atbbi,Hamid ntta tettveft yat tusut ur ihlin ,ar ittusu ar tinit ibbi gis unfus, wiyyad inkraf llant gisen thbubin n tbddvant, ar kmzzen matta agud illan, da zrayen ghur utvbib maca ur asen ibatv i umya..tudert n ubniq twxcen bahra.
Ammas n tmukrisen dgh ntnayamut d txxuyt ,tusut d isxurran ag swingemgh, ghas aswingem ayran ad issufgh s brra imik, ar tannaygh ig ffegh ma srigh ad tskergh,aswingem i tudert n imal, Europa ur yad tlli,ad skergh kan tsbbabt, ig llan iqaridven ,tahlgh skergh arraw, aswingem s ass ntmghra ,tislit g iâbraq nnes
ammas n trbatin ilsan ihbirran ilan atvu n zâfran d ujjan ar ttasint ahydus ,d arraw ilsan tijlluba timllalin ar tqqeln g urhbi anfghent trbatin ad bdden i uhydus ar tifawt..Maca ..maca issukyid g twargit ddegh Hamid s tusut nnes ,righ ad nqelbgh xaf tsga adnin ur gheygh s tnayamut, ar thawalgh itvs ,imik sllagh i lhist n sin inkraf ar sawalen, ukan ran ad nnaghen, wayyad n tsganu ar itvssa nnighas:" ma ijran"? inna:"Chawni a iran aykkes serwal i casaoui.." Chawni taght tghufi n tmttvut nnes ,ira ayssughul a casaoui s tmttvut ,awd ntta ira ayffegh lhabs s twirga, ur ak ihccem mqqar iga argaz amqran..
iswingimn inu iwini ad sersgh yan usqsi axatar, magh allig iyjra uyad?magh allig ttvargh g tmukrisin degh? id magh xaf ur ssingh Rbbi, ur da tzvallagh ,ar kmmigh ar ssagh? id dnub inu ad id igern s tillas dgh? is nik illa Rbbi? asqsi dgh amggaru ig ffegh righ ad ghifs snubchgh..
Tidit aynna yan unkraf:" kwnni ur tskirm udmawen n ubniq..", nkwni ur da nenqqa ,ur da nttakwer,ur da nzenza ma isduhdun, ntyattvaf acku ar nttinig rzqengh g idgharen g illa watig i ufgan d twiri nnes, tamurt nnegh ntyahqqar gis zund izan, tanbadv thqqer ils nnegh d tawsna nnegh, tighri d twiri ur da akkan kra ,nkwni tsul tmukrist nnegh trvwa, ima hat llan mmuten g ill, tcantn islman...
Isul agh imalas anffegh lligh g agh nghwran, smattinagh s yan lhangar adnin,nenna ira ayaf "sekonda" d nekka maca ikka ddawas, imzvey maca ggudin gis inkraf, idsn inkraf m issiwiden iqwma nsen, latvert n ijnweyn g udmawnsen, ur d lmalan ad gen imddukal zund imzwura, yan gisen iskwna ighf matta agud illan ur akw isawal. Iqqen uxucci n toilet ifka advu ijjvan, nssu lkwac nqqim, ar ntteqel s imalas ayzri, ar txmmamgh i widda itkkan isggwasen d id 10 n isggwasen g tudert dgh, negh arraw dgh nitni nmyaren tudert dgh n ubniq acku annaygh idsen gisen da ittffegh assa yughuld asskannes,zund as tuf tudert n ubniq tin brra ar iskar ma s d ittughul..
Ussan ar zrrin aksulen, bdvanagh d imdddukal m insawal,Hamid d ucasaoui d oussous, illa digengh imik n tghufi nsen, lhangar dgh ixwcen zund meden nnes, ar ntteqel s ggitv ,agud n tguni da sxsayen asidd, yan gisen ar itâawad taqsist negh yan lfilm nna izvra,ar isawal ar d ngun, zund imki dda tâwaden i urba amzvyan ar d as iddu itvs..
Tifawt da nenkker ad agh hasben, ngun imik ,ig nenker nqqim negh ar n tâawan tarda n wakal n hangar d tasukin n tama nnes, nffegh s tarhbit nsker tanzgha d tafuyt, nughuld iqimi ger 4 n igidar,imka ad gan akw ussan allig nkmmel ayyur nnegh..
Ufugh d tililli:
Ass amggaru g ubniq ghwranagh iâssasen s nmarinngh, nannagh yallah ad tasim ihruyen nnun d iqariden ,nsni g yat twriqt ,rzvmen tiflut taxatart naghen brra, iwtagh yan uzuzwu ikrmen d tafuyt irghan, atvu n tililli, hayyagh nffegh ger igidar ijjvan, nssen atig n tlilli mcta ayswa,nttat aygan akw tudert, yusi Moh ifasen s afella zund ddagh g irnna g takurt g ifka yan iswi,inna " wéé!!! telilli...", nugez tamadla n tasukt s ammas n tamdint n tittawin, ur nssin mani ntkka, nnighas i Moh ixssa anzayd anqqim yan sin ussan g tmdint dgh,inna magh urid an nagh lâid n rmdan g tmazirt, nnighas askka lâid,abrid ighzzef ur nenni at tin nagh g ighrem, ukan nddu ar nttinig yan hotel mag nenssa, nsqsa yan uwssar agh imel abrid , imun digengh,ar agh isawal xaf tmdint n tittvawin, id tamdint n l islam atga is tfulki nttat meddenen nnes, ktighd idsen g mdden nzri g ubniq ,id mdden ifulkin awd nitni ad gan,ngulan asays n Lfddan tama n tgmmi n ugllid, isnâtagh yan hotel, nenna as tanmmirt kigan..
Numzv yat tmsreyt g hotel amzyan, g talkiwt n jjaj ar suggurgh s barra ,s asays n Lfddan ,anzvar ar ikkat, ar ttanaygh ddunit s tayyad titv, tudert n tlili tla tadvfi tardv iswkraf,mqqar ur nghwli s uroppa hat ur id tigira n ddunit ayad, ssighas i yan ugarru ,ghraghas i Moh igen, nffegh anawi ighf g tmdint, anizvir afalki n tittvawin, nkcem s yat lqhwa nqqim ar ntfrraj g tv d medden, nmensu nkcem ,asskkannes lâid ayga, nkwni ur da ntzalla ur nddi s lmsvlla, ar nttawi ighef g tasukin, nkka akw tamdint ,awd ismdal nnes ndda allig g tnzvra, llan ammas n tizgzut d iskwla d ijddigen, nkka tihuna nsgha matca nughuld s lhotel..
Wis krad ussan nsker amuddu s Rbat s ghur tawjja n Moh , ntca ghursen imkli nffegh ar ntawi ighf g brra nkni d yan urba nsen, nnighas snâti lkunsulya n swed, allig tnufa nkcem, sqsaghten xaf umuddu s Swed ,nnani maxccayt n lvisa,fknid ismawen n twriqin s ifuk ad ndawigh, tlla gisnt lberjma, nttat aycqan, mhra sersen awd nitni timukrisin dgh n twriqin,ima tizwiri ghas ar tetvbaân lpass safi..
Tifawt nasid nek d Moh id lmozivit, nttvef lkar s tmazirt, ait tmazirt ssen ma dagh ijran,aynnagh allig qan nkcem ggidv afad agh ur izvir awdyan...
Kcemgh s tgmmi zund as kkigh assgwas i twjja ,afghenn mma hllou g udghar nnes ,hnqented imttvawen lligh g ittannay,sudmghas digh ighf ,ar talla xaf uxub n watvunu d zhar ifrghen..
